ပိုင်တာကို အရင်လုပ်

ဒီနေ့ (၂၃-၇-၀၈)ည မေမေကတရား နာခိုင်းတဲ့အတွက် အမေ့သားလေး တရားတော်တစ်ပုဒ် နာယူဖြစ်ပါတယ်။ ဟောကြားတဲ့ ဆရာတော်က ရန်ကုန်ထေရ၀ါဒတက္ကသိုလ်မှ ပါမောက္ခချုပ်ဆရာတော်ဖြစ်ပါတယ်။
အမေ့သားလေး ဉာဏ်စွမ်းမှီသမျှ ဆရာတော်ရဲ့ တရားထဲမှ ဆုံးမစာတစ်ပုဒ်မှတ်သား ဖြစ်ပါတယ်။
ယင်းမှတ်သားမိသော ဆုံးမစကား တစ်ပုဒ်က..
အတိက်ကိုတွေး မဆွေးလေနှင့်၊
အတိက်ဆိုတာ ပြန်မလာဘူး။
အနာဂါတ်မှန်းဆ မလွမ်းတနှင့်၊
အနာဂါတ်ဆိုတာ မသေချာဘူး။
ပစ္စုပ္ပန်မှာ လုပ်သင့်ရာဝယ်၊
ပညာလုံးလ အသုန်းချလျှက်
ဘ၀တန်ဖိုး အားမာန်ကိုး၍၊
မြတ်နိုးကြည်ဖြူ အရယူလော့…
ဆရာတော်ရဲ့ ဆုံးမစာနဲ့ပတ်သက်၍ အမေ့သားလေး နားလည်သလောက် ပြောရရင်တော့ လက်တွေ့ပစ္စုပ္ပန်ကာလ အရေးကြီးပုံကို ဆိုလိုတာဖြစ်ပါလိမ့်မယ်။
ဒီဆုံးမစာနှင့်ပတ်၍ အင်္ဂလိပ်ဆိုရိုးစကား တစ်ပုဒ်လည်း ရှိပါတယ်။ ဘာလဲဆိုတော့--
A bird in the hand is worth two in the bush.
“လက်ထဲကတစ်ဆုပ်က မမြင်ရတဲ့ တစ်ပုတ်ထက် အဖိုးတန်တယ်”ဆိုတဲ့အဓိပ္ပါယ်ပါ။
(ပုတ်ဆိုတာ-၀ါးနဲ့ယက်လုပ်ထားတဲ့ စပါးစသည် သိုလှောင်ရာ ထည့်စရာ တောင်းလို ပစ္စည်းတစ်ခု ဖြစ်မှာပါ)
လက်ရှိ လက်တွေ့ကာလကို အလဟဿ မဖြစ်စေဖို့ အချိန်တိုင်း ကြိုးစားကြပါစို့...