နာဂစ်စ်မွှေလိုက်တဲ့ သေခြင်းတရားကြောင့်..အပျော်တမ်း ကိုယ့်အကြောင်းလေးတွေ တင်ပြနေကြတဲ့ ဘလော့ဂါလေးတွေလည်း တိတ်ဆိက်သွားပါတယ်။
ငိုတတ်တဲ့ နှလုံးသားသာပါခဲ့ရင် သူတို့ ပိုင်ရှင်လေးတွေ ကိုယ်စား ငိုကြမည့် ပုံမြင်ယောင်မိပါတယ်။ ကျွန်တော် သိသလောက် သူငယ်ချင်းများထံသို့ လည်ပတ်ကြည့်တယ်..အသစ်တင်တဲ့ စာတမ်းလေးတွေ မတွေ့ရတော့ပါဘူး။ အော်..သူတို့ခမျာလည်း ကျွန်တော်ခံစားရသလို..စိတ်ကျေကွဲမှု ခံစားကြရမှာပဲ..သူငယ်ချင်းတွေ နာဂစ်စ်ခေါ်ရာ မပါသွားခဲ့ရင်ကိုပဲ..ကံကောင်းတယ်လို့ တွက်ဆရတော့မှာလေ။
Nargisကပေးခဲ့သော ကျွန်တော့်အတွက်..သံဝေဂ။ လူတိုင်းလည်း ရသင့်တဲ့ သံဝေဂပါ။ မမျှော်လင့်ပဲ ကျရောက်လာခဲ့တဲ့ နာဂစ်စ်ကြောင့် ကျွန်တော်သံဝေဂကြီးစွာနဲ့ ခံစားမိတာလေးတွေပါ။
အော်..ဘ၀..ဘ၀..
အခုမြင် အခုပျောက်..
နေ့မြင် ညပျောက်..ညမြင် နေ့ပျောက်..
အော်..မထင်မှတ်ပဲ…နာဂစ်စ်ကနေ
သေမင်းသည်ခေါ်သွားလိုက်တဲ့ လူတွေ..မနဲပါလား……
တွေးကြည့်လိုက်ရင်..
အသက်ရှင်နေဖို့ ခက်ခဲ၏။ သေဖို့ရာကလွယ်၏။
နာဂစ်စ်က မြို့ကြီးသားမို့လည်း မထောက်ထားပါဘူး..
တောသားမို့ ဆင်းရဲလို့ဆိုပြီး သနားလို့ဆိုကာ မငဲ့ညှာပါ..
တောသား ဖြစ်လို့လည်း ၀မ်းနဲစရာမလို။
မြို့ကြီးသားဖြစ်လို့လည်း ဂုဏ်ယူဝံ့ကြွားနေစရာ မလို။
နှိမ်ချ ဆက်ဆံစရာ မလိုပါဘူး။
သေတော့ ဘာထူးတော့လိုလဲ..
တောသားလည်း အတူတူပဲ…
မြို့သားလည်း ထိုနည်း၎င်းပဲ..
အဓိကက..နေရတဲ့ ဘ၀သက်တမ်းတိုတိုလေးမှာ..
နေ့စဉ် အခိုက်အတန့်လေးမှာအများနဲ့ လိုက်လျော ညီထွေနေတတ်ဖို့..
ဆက်ဆံတတ်ဖို့..သူတစ်ပါးကို အထင်အမြင် မသေးဖို့..
ကိုယ့်ကောင်းကျိုး၊ အများကောင်းကျိုး
တက်နိုင်သမျှထန်းဆောင်နိုင်ဖို့က အရေးကြီးတယ်လေ။
--------------၀----------------
ဒီလိုတွေးနေရင်း ယောဆရာတော် ဘုရားကြီး၏ ဓမ္မသံဝေဂလင်္ကာက အတွေးထဲဝင်လာ၏..
ဆရာတော်ကြီး၏ ဓမ္မသံဝေဂစကားက…
ယောက်ျား(မြို့သား)ဖြစ်ရုံ၊ အားမစုံငြား၊ မကြိုးစားက စွမ်းအားကျ၊ ဘာမှမရပါ။
မိန်းမ(တောသား)သော်လည်း၊ အားကုန်ခဲ၍၊ စိတ်ဇွဲထက်သန်၊ ကြိုးစားပြန်၊ ဧကန်ထူးခြားလာ။
စိတ်ဓာတ်ကိုမြင့်၊ လုပ်ပိုင်ခွင့်၊ ဧကန် ကြိုးစားရာ။ ယောဆရာတော်
----------------(၀)-------------------
ဆက်စဉ်းစားရင်..ဘ၀ဘယ်လိုနေမလဲဆိုတာ..မေမေပြောပြဘူးတဲ့ ဆရာတော်စသည်တို့ရဲ့ဓမ္မသံဝေဂစကားလေးတွေက ဒီလို ဒီလို....
“သတိ”
သတိဆိုတာ စိတ်ရဲ့နေအိမ်ပါပဲ။
သတိမရှိတဲ့စိတ်ဟာ အိမ်မရှိတဲ့လူလိုပဲ
ကြုံရာ ခြေဦးတည့်ရာ လျှောက်သွားနေတတ်တယ်။
ကြုံရာမှာ နေတတ်တယ်။
တည်ငြိမ်အေးချမ်းမှု၊ လုံခြုံမှု မရှိဘူး။
ဂုဏ်သိက္ခာမရှိဘူး.....
ဘ၀မှာ အပျော်ဆုံးလူဆိုတာ ဘယ်သူလဲ?
ဘ၀မှာ အဆင်မပြေမှုတွေ ဒုက္ခတွေ အများကြီးရှိလျက်နဲ့
ငြိမ်းငြိမ်းချမ်းချမ်း နေနိုင်တဲ့သူတွေ ရှိတယ်။
အားလုံးအဆင်ပြေမှ စိတ်ချမ်းသာမယ်ဆိုရင်တော့
ဒီတစ်သက် စိတ်ချမ်းသာဖို့ မလွယ်တော့ဘူး။
အဆင်မပြေမှုတွေ ရှိနေပါလျက်
စိတ်ချမ်းသာအောင် နေတတ်မှ
တကယ်စိတ်ချမ်းသာအောင် နေတတ်တဲ့သူဖြစ်မယ်။
စိတ်ချမ်းသာအောင် နေတတ်ကြပါစေ။ ဆရာတော် ဦးဇောတိက
-------------(၀)---------------
ယခုခါမူ၊ လူလည်းဖြစ်လာ၊
သာသနာလည်းထွန်းခိုက်၊
အမြိုက်တရား၊ဟောကြားမည့်သူ၊ လူလည်းမရှား၊…
သို့ပါလျက်သားနှင့်မှ…
တရားမလိုက်၊ အမှားကို ကြိုက်ကြလျှင်၊
အမိုက်တကာ့ဗိုလ်မင်း၊ အဖျင်းတကာ့ဗိုလ်ချုပ်၊
အပါယ်လေးလီ၊ မြစ်နဒီတွင်၊ ပလုံစီမြုပ်လို့၊
လူယုတ်ကြီးတွေ ဖြစ်ချိမ့်လည်။ စလေ ဦးပုည
----------------(၀)-------------------
ဘ၀ကို
အနှစ်သာရအပြည့်နဲ့
ငြိမ်းငြိမ်းချမ်းချမ်း နေချင်ရင်
အေးချမ်းတည်ငြိမ်းပြီး
ရင့်ကျက်တဲ့သူ ဖြစ်ချင်ရင်
အချိန်တိုင်း အချိန်တိုင်းကို
သတိလေးနဲ့နေလိုက်ပါ…
-------------(၀)---------------
ဘ၀ကို ရှင်းရှင်းလင်းလင်း
နေသွားချင်တယ်ဆိုရင်..
သတိလေးနဲ့ နေလိုက်ပါ…
ဘ၀ဟာရှင်းလာပါလိမ့်မယ်..
စိတ်ရှင်းရင် ဘ၀ရှင်းတယ်..
စိတ်ရိုးရင် ဘ၀ရိုးတယ်..
စိတ်ရှုပ်ရင် ဘ၀လည်းရှုပ်လာမယ်…
စိတ်ဆန်းပြားရင်…
ဘ၀လည်း ဆန်းပြားလာမယ်…
နာဂစ်စ်ရဲ့နောက်ဆက်တွဲ စိတ်ဆင်းရဲ ခံစားနေကြရသောဝေဒနာရှင်များ...
ကိုယ်ဆင်းရဲမှု ရောဂါဝေဒနာမှ ကင်းဝေနိုင်ကြပါစေ..
သူငယ်ချင်းအားလုံးလည်း...သူငယ်ချင်းတို့ရဲ့ ဘလော့ကလောင်တံ ဆက်လက်ကိုင်နိုင်ကြပါစေ..
Thursday, May 8, 2008
နာဂစ်စ်ကပေးသော သံဝေဂ
Subscribe to:
Post Comments (Atom)
No comments:
Post a Comment